Është rritur bilanci i të lënduarëve si pasojë e dy tërmeteve të njëpasnjëshme ndodhur në një pjesë të konsiderueshme të Shqipërisë, lëkundje të cilat u ndjenë në disa vende edhe në Kosovë.
Shërbimet e emergjencës në Shqipër, sipas Lapsi, kanë njoftuar se pas lëkundjeve të njëpasnjëshme të dy tërmetëve, kanë marrë thirrje për ndihmë nga personat e lënduar, transmeton Klan Kosova.
Paraprakisht, raportohet të janë plagosur në total 25 persona.
Pak më herët, Instituti i Gjeoshkencave, Energjisë, Mjedisit dhe Ujit (IGJEUM) ka dhënë një njoftim lidhur me dy tërmetet e fuqishme që u ndjenë në mbarë vendin rreth gjysmë ore më parë.
Sipas IGJEUM-it, tërmeti me magnitude 5.8 Rihter dhe intensitet mbi 7.5 ballë, i lokalizuar 30 km në veri të qytetit të Durrësit, është më i forti i shënuar në vend në harkun e 20-30 vjetëve të fundit.
Deri më tani, sipas raportimeve paraprake, në qytetet Sarandë, Himare, Lezhë dhe Dibër, nuk ka patur dëme.
