Në MAP, janë të bindur që objekti i ri i shkollës në Bajçinë, do të jetë i gatshëm me 1 tetor.
Mësimi në këtë objekt, do duhej të fillonte në Shtator.
Por, nxënësit e shkollës “Emin Duraku” në Bajcinë të Podujevës, vazhdojnë të mbajnë mësim në një objekt të vjetër rreth 70 vjet.
Bashkim Lepaja, drejtor i kësaj shkolle me 290 nxënës, thotë se ky objekt, nuk i plotëson as kushtet elementare për mësim.
“Objekti i vjetër është ndërtuar ne vitin 1952. Në luftën e fundit është djegur shkolla. Kështu që pas luftës në vitin 2000 është rinovuar objekti”.
Ndërkohë, gjendja edhe më e rëndë është brenda klasëve.
Edhe gjatë ditës, procesi mësimor, duhet të mbahet me dritë artificiale.
Kjo për shkak se ndërtesa e shkollës së re, e pengon dritën të futet në klasë.
Në objektin e ri, duket që ende ka punë për t’u bërë.
“Objekti i ri ka filluar të ndërtohet në vitin 2016. Eshtë projekt 3 vjecar. Mirëpo saktësisht nuk dihet se kur do të përfundojnë”.
Se ora mësimore është e vështirë të mbahet në këto kushte, e thonë edhe mësimdhënësit në këtë shkollë.
Sqarim se pse nxënësit e fshatit me mbi 3 mijë banorë nuk po vijojnë mësimin në shkollën e re, nuk kanë dhënë në Drejtorinë Komunale të Podujevës.
Por, opozita në këtë komunë, fajëson nivelin qendror dhe atë lokal, për gjendjen e shkollave në fshatrat e llapit.
“Niveli lokal dhe qendror nuk po bën sa duhet për shkollat neper fshatra. Gjendje e njëjtë është edhe në fshatrat e tjera…”.
T7 ka kontaktuar edhe me kompaninë përgjegjëse për ndërtimin e kësaj shkolle.
Por të njëjtit, nuk i kanë kthyer përgjigje, nëse punimet do të kryhen brenda afatit të caktuar.
Ndërkohë, të bindur që punimet do të kryhen brenda këtij viti, janë në Ministrinë e Administratës Publike.
“Projekti për ndërtimin e ndërtesës së shkollës “Emin Duraku” në Bajçinë, ka afat për përfundim deri në fund të vitit 2019. Sipas dinamikës së punëve, punimet pritet të përfundojnë , më 1 tetor 2019. Në këtë periudhë nxënësit do të kalojnë në ndërtesën e shkollës së re”.
Nga kjo ministri, kanë thënë se pengesë paraqet edhe ndërtesa e vjetër, e cila duhet të rrënohet për t’i lënë vendin sallës së sportit.
Ndryshe, derisa shkolla e re të jetë gati, nxënësit e Bajçinës, orën e edukatës fizike
