5 muaj pas vrasjes së pesëfishtë në Gjilan, shtëpia po qëndron e mbyllur.
Brenda saj nuk frymon askush.
E jashtë në oborrin e shtëpisë së familjes Bllaca në Gjilan, nuk po asnjeri i ulur për të shijuar ditët e verës.
Në strehën e 5 anëtarëve të familjes, që u shuan nga arma e vajzës së vetme të shtëpisë kanë mbetur vetëm muret dhe historia e rëndë brenda dhomave të saj
Në lagje ku duket se gjithçka funksionon normalisht, vetëm në shtëpinë numër 35 nuk ka asnjë lëvizje.
Në tragjedinë e shkurtit të këtij viti, kishte mbetur i vrarë Zeqir Bllaca, 70 vjeçar, Hanife Bllaca 66 vjeçare, Blerim Bllaca 43 vjeçar, Fisnik Bllaca 34 vjeçar dhe vetë dorasja Valdete Bllaca, 45 vjeçare.
Pas 5 muajsh të hetimeve, ditë më parë Prokuroria në Gjilan njoftoi se janë mbyllur hetimet për këtë rast. Prokuroria konstatoi se vrasjet e anëtarëve të familjes ishin kryer nga zyrtarja policore në fjalë.
Sipas raportit të Institutit të psikiatrisë Forenzike, autorja e krimit, policja e trafikut, Valdete Bllaca ka vuajtur nga çrregullimi i personalitetit paranoid, prandaj të njëjtës nuk i ishte lejuar bartja e armës.
Armën me të cilën ndodhi vrasja e pesëfishtë, policja e kishte siguruar fshehtë.
