Qeveria e Kosova para një muaji kishte amnistuar këngëtaren Tayna nga karantina, por të njëjtën gjë nuk po e bënë edhe për deputetin e kuvendit të Kosovës, Behxhet Pacolli.
Ai sot nëpërmjet një statusi ka reaguar ashpër ndaj Qeverisë së Kosovës duke thënë se autoritetet kosovare po e pengojnë të vijë në Kosovë, edhe pasi u ka dëshmuar se është i izoluar në Zvicër që dy muaj dhe se u ka dokumentuar këtë.
Pacolli akuzon Qeverinë në detyrë të Albin Kurtit, duke thënë se këtë pengesë po ia bën një qeveri që ai e ka votuar, pa votuar rrezimin e saj më parë.
Pas përplasjeve me qeverinë në detyrë, Pacolli është nisur me privat nga Zvicra, por ai është duke ateruar në Tiranë. Kështu tregojnë të dhënat e fluturimeve online në internet.
Ai ka leje nga Ministria e Infrastrukturës për të ardhur në Kosovë, por Ministria e Shëndetësisë e ka njoftuar se ai duhet t’u nënshtrohet të njëjtave rregullave si të gjithë qytetarët e tjerë.
Si pasojë e situatës së krijuar nga pandemia COVID-19, Pacolli pati mbetur në Zvicër, kësisoj duke mos arritur të kthehet në vend.
