Invalidi dhe veterani i luftës së UÇK-së, Shpëtim Agusholli i cili që 21 vjet është në karrocë, ka reaguar pasi Qeveria Kurti kishte pranuar 1000 testet e Serbisë për Kosovën, i cili tha se Serbia na dhunoi e masakroi dhe nga lufta mora plagë që i ndjej edhe sot, pranadaj po i njëjti shtoi se nuk dëshiron asgjë nga Serbia edhe po të vdiste.
Pas këtij shkrimi, reagoi një person i quajtur Feim Sylka i cili njiherit u paraqit si militant i VV-së, teksa ky i fundit e ofendoi rëndë ish-ushtarin e UÇK-së, Shpëtim Agushollin, duke i thënë “kalbu në karrocë”,
Mirëpo, pasi fjalët e tij fyese u shpërndanë nëpër media, Sylka kërkoi falje publike ndaj Agushollit.
“Ndjeje pergjegjesi morale dhe shoqerore qe te kerkoj falje publike per nje koment i cili eshte postuar me emrin tim, andaj ju kerkoj falje publikisht, jo vetem juve, por te gjithe atyre qe mund te jene lenduar’, ka shkruar Sylka.
Ndryshe, ndaj kësaj ka reguar edhe Qendra e VV-së në Pejë, duke deklaruar se personi që e ofendoi luftëtarin e UÇK-së, nuk është anëtar i joni.
