Zëvendëskryeministri në detyrë Haki Abazi ka thënë se Presidenti Hashim Thaçi nuk mundet të veprojë si mbret.
Ky reagim vjen pasi Thaçi ka shkruar në llogarinë e tij në Twitter, ku ka paralajmëruar se së shpejti do të ndërmarrë hapa kushtetues për formimin e Qeverisë së re, njofton Klan Kosova.
“Rrëzimi i qeverisë Kurti dhe mosrespektimi i Vjosa Osmanit si më e votuara në LDK në zgjedhjet e fundit, është përmbysje e rendit demokratik dhe shkelje e kushtetutës së Republikës Parlamentare”.
“Presidenti nuk mund të veprojë si mbret, ai edhe ashtu ka mungesë serioze të përfaqësimit të unitetit. Veprimet e tij janë antikushtetutese dhe jashtë interesit qytetarë e shtetëror”.
“Nuk mundet Thaçi të negociojë lirinë e tij me fatin e shtetit”.
“Jemi shumë,jemi bashkë, jemi në të drejtë dhe jemi të pathyeshëm në mbrojtjen e demokracisë, pavarësisë, territorit dhe kushtetutës së vendit”.
