Imami i xhamisë kryesore në Mitrovicë, Enis Rama, ka qenë i ftuar si mysafir i Reporteri.net, me të cilin është biseduar për gjendjen me coronavirus dhe impaktin e tij në jetën e myslimanëve.
Ndër të tjera, Rama u pyet edhe për disa deklarata të kolegëve të tij, të cilët e quan coronavirusin si “ushtar të All-llahut”.
Kjo është përgjigja e tij: “Nuk ndodhë asgjë në tokë pa lejen e Zotit. Zoti lejon nganjëherë që të ndodhin edhe gjëra të pakëndshme, si sprovë për njerëzit. Unë kisha qenë i rezervuar karrshi fjalës dënim, ngase ësht ënjë përgjithësim që tërhjek me vete përgjegjësi.
Unë për vete preferoj që në këto raste të përdori fjalën “paralajmërim”, dmth se ndoshta nuk kemi qenë duke shkuar si duhet, dhe për këtë jemi pajtuar të gjithë. Ne e dimë se një arrogancë e ka përfshirë njeriun, një lakmi, një pangopësi, një keqpërdorim i resurseve në anë të caktuara të botës, prandaj gjendja e tërësishme e njërëzit nuk është e kënaqshme për askënd.
Andaj, Zoti jonë dërgon paralajmërime për t’i dërguar sinjale njeriut: kthehu në rrugën e duhur, ktheju natyrshmërisë tënde të pastër, ktheju moralit e vlerave të duhura, kthejuni njëri-tjetrit e kështu me radhë”.
