Lëvizja Vetëvendosje vazhdon të këmbëngulë në zgjedhje të reja në Kosovë.
Pas rënies së Qeverisë Kurti, LDK-ja, ish-partneri qeverisës i Lëvizjes Vetëvendosje ka ndërmarrë nismën për formimin e qeverisë me Nisma, AAK-në dhe komunitetet.
Presidenti Hashim Thaçi i ka dërguar letër për herë të tretë Albin Kurtit që të dërgojë emrin e mandatarit, duke respektuar Kushtetuesen sipas së cilës propozimi i emrit i takon partisë fituese.
Por, zëvendëskryeministri në detyrë i Kosovës Haki Abazi ka akuzuar kreun e vendit dhe atë të LDK-së se po keqpërdorin pandeminë COVID-19, duke mos dashur të shkojnë në zgjedhje të reja.
“Duke keqpërdorur situatën me COVID-19, nuk vidhet DEMOKRACIA e as legjitimiteti.
Kjo që po do Thaçi dhe Mustafa është jo kushtetuese dhe e barabartë në vendimet për masa të dhunshme që dikur kishte vendosur Millosheviq duke larguar instituci onet që kanë burimin në votën dhe vullnetin qytetarë.
Në demokraci nuk ka vend për centrifugë.
Pse po kanë frikë nga zgjedhjet?”, ka shkruar Abazi në Facebook.
