Vitia më masa të reja kundër Covid-19

Kryetari i Komunës së Vitisë Sokol Haliti ka njoftuar qytetarët e kësaj komune lidhur me masat e ndërmarra deri më tani kundër përhapjes së pandemisë Covid-19, si pasojë e të cilit deri më tash janë prekur 18 persona.

Haliti ka thënë se institucionet komunale janë në ballë të përpjekjeve të përbashkëta për ta përmirësuar gjendjen dhe duke iu falënderuar donatorëve të ndryshëm janë siguruar pajisje mbrojtëse për stafin mjekësor, mbi 2 mijë pako ushqimore dhe higjienike, si dhe sasi e konsiderueshme e miellit dhe patateve.