Ka vdekur sot gruaja e cila mbrëmë u diagnostikua me sëmundjen COVID-19 nga fshati Lluga i Istogut.
Ministria e Shëndetësisë ka konfirmuar se gruaja kishte edhe sëmundje të tjera, shkruan Telegramisot.com
“Sot me datë 13.04.2020 në Mjekimin Intensiv të Klinikës Infektive të QKUK-së ka përfunduar me vdekje pacientja S.K. (1981) nga Komuna e Istogut, e transformuar në këtë klinikë me datë 12.04.2020 nga Klinika e Kirurgjisë Abdominale pas ndërhyrjes kirurgjikale dhe njëherësh e diagnostikuar me Covid 19.
E njëjta përveç Covid-19 ka pasur edhe sëmundje të tjera bashkëshoqëruese”, thotë MSH.
E kjo është regjistruar si vdekja e tetë (8) e pacientëve me Covid -19 në Kosovë.
Ndryshe, në Kosovë janë 362 persona të infektuar, 59 prej të cilëve janë shëruar.
