Një pamje e tmerrshme është publikuar në internet, ku një pulëbardhë e madhe shihet duke e përpirë për së gjalli një lepur.
Shpendi i uritur u incizua në ishullin Skomer të Uellsit, afër bregdetit të Pembrokeshire-s.
Zyrtarët që merren me vëzhgimin e kafshëve dhe shpendëve në këtë pjesë kanë thënë se lepujt janë pjesë e rëndësishme e ushqimit për pulëbardhat.
“Lepujt janë ushqim i rëndësishëm për to, kur nuk kanë mundësi të ushqehen me zogj të tjerë apo me të vegjlit e tyre”, thanë ata.
Ishulli ku u incizua ngjarja është vendbanim i shumë zogjve të detit. Për një banor atje ekzistojnë 4,400 zogj deti, shkruan “Daily Mail”, transmeton Telegramisot.com
Pulëbardhat fluturojnë shpejt dhe kanë këmbë të shkurtra. Jetojnë në brigjet e deteve dhe liqeneve dhe ushqehen edhe me peshq.
