Një person është plagosur me armë zjarri dhe një tjetër është therur me thikë në një përleshje që ka ndodhur dje në Prishtinë.
Sipas mjekut dy të lënduarit janë jashtë rrezikut për jetë. Policia ka konfiskuar një pistoletë dhe disa thikë në vendin e ngjarjes
“Njësia policore, ka hasur tre të dyshuar meshkuj kosovar, ku prej tyre njëri ishte i plagosur nga arma e zjarri dhe tjetri ishte i therur me thikë.
Të lënduarit janë dërguar në QKUK, sipas mjekut janë jashtë rrezikut për jetë. Në vendin e ngjarjes janë gjetur dhe konfiskuar një pistoletë dhe disa thika”, thuhet në njoftimin e policisë.
Me vendim të prokurorit, një i dyshuar është liruar, ndërsa dy të dyshuar që gjenden në QKUK ju është lëshuar vendim për ndalim.
