Instituti GAP ka publikuar në platformën elektronike “Letërnjoftimi i komunave” progresin e kryetarëve të komunave në përmbushjen e premtimeve të dhëna në zgjedhjet e fundit lokale të vitit 2017. Platforma është rifreskuar me të dhëna për gjashtë mujorin e parë 2019.
Kryetari i Komunës së Gjakovës, Ardian Gjini, nga radhët e AAK-së, nga 78 premtimet e bëra, vetëm 8 i ka realizuar, 2 gjysmë të përmbushura, 20 të filluara e 48 as që i ka nisur, përcjellë Indeksonline.
Deri tashti Gjini ka realizuar këto premtime:
Publikimi i të gjitha testeve, dokumenteve dhe intervistave të kandidatëve për pozitat e mësimdhënëseve
Komuna ka nisur nga fillimi i vitit 2019 të publikojë të gjitha të dhënat për pranimin e punëtoreve të rinj në komunë në fushën e shëndetësisë, administratës komunale dhe në fushën e arsimit
Themelimi i komisionit të asoociuar të komunës “Pleqësia e Arsimit” që do të shërbejë si organ i pavarur këshillues
Me vendim të kruyetarit të komunës është themeluar ky këshill i cili ka për qëllim ofrimin e këshillave në fushën e arsimit
Mbjellja e fidanëve nëpër oborret e të gjitha shkollat
Përfshirja e çdo nxënësi të komunës në aktivitete jashtë shkollore së paku tetë ditë në vit, nga dy ditë në secilën stinë
Zgjidhja e çështjes së ujit të pijes në zonën e “Rekës së Keqe” brenda vitit 2018
Shndërrimi i Shkugëzës në një zone rekreative me rreth 8 kilometra shtigje për ecje dhe vrapim
Pjesa me e madhe e këtij projekti ka përfunduar. Ka mbetur vendosja e ndriçimit gjatë natës si dhe e shportave për mbeturina te imta
Për Rashkoc: shtrirja e rrjetit të ndriçimit publik, shtrimi i rrugës Rashkocit me gjatësi 1km
Instalimi i stacionit për matjen e cilësisë së ajrit në qytetin e Gjakovë
Numri më i madh i premtimeve të përmbushura është shënuar në fushën e infrastrukturës, bujqësisë dhe shërbimeve publike. Ndërsa, përveç arsimit, fushat ku ka ngecje në përmbushjen e premtimeve janë ajo e ekonomisë, shëndetësisë dhe e urbanizimit.
