Një tentim-vrasje ka ndodhur në Pejë.
Në lidhje me rastin është arrestuar i dyshuari mashkull pasi që i njëjti për shkaqe ende të panjohura ka sulmuar me thikë një person.
Viktima është dërguar në Spitalin Rajonal të Pejës, ndërsa i dyshuari është në masën e ndalimit prej 48 orë.
“Është arrestuar i dyshuari mashkull kosovar pasi që i njëjti në një kafiteri për shkaqe të panjohura ka sulmuar me një mjet të mprehtë (thikë) viktimën mashkull kosovar. Viktima është dërguar ne Spitalin Rajonal të Pejës. Mjeti me të cilin dyshohet se është kryer vepra është konfiskuar nga njësiti policor. Pas intervistimit me vendim të prokurorit kujdestar, të dyshuarit i është caktuar masa e ndalimit për 48 orë.”, thuhet në raportin e Policisë.
