Deputetja e Lëvizjes Vetëvendosje, Albulena Haxhiu, kishte folur menjëherë për medie pas takimit mes LDK-së dhe VV-së për formimin e koalicionit, më 28 janar.
Përpos që s’kishte marrëveshje, ajo pati thënë se është tallje me Kuvendin të kërkohet dorëheqja e Glauk Konjufcës.
“Para datës 26 dhjetor për LDK’në ka qenë shumë i rëndësishëm posti i presidenti. Pas asaj date u bë i rëndësishëm posti i kryeparlamentarit, por atij të presidentit”, thoshte Haxhiu, shkruan Ballkani.info.
“”Me këtë qasje nuk kemi vullnet për të qeverisur bashkë”, shtonte ajo.
“Nuk e kemi pranuar ofertën e LDK’së për shkak se është përmbysje e vullnetit të Kuvendit. Ne nuk e pranojmë të dorëhiqet Konjufca. është tallje me Kuvendin”, shpjegoi ajo.
Mirëpo, sot kanë ndryshuar gjërat. Sipas raportimeve të fundit dhe lajmeve ekskluzive nga Ballkani.info, VV-ja ka pranuar që Konjufca të dorëhiqet dhe LDK-ja ta merr kryeparlamentarin për mandat të plotë.
Pritet që gjatë ditës së nesërme, të dy këto parti do të mbledhin Këshillët Drejtuese dhe ta vulon marrëveshje në mënyrë që të hënën në Kuvend të shkohet me vota të dy partive.
Sipas burimeve, çështja e presidentit mbetet kur t’i përfundojë mandati presidentit aktual Hashim Thaçi, e më pas do të takohen partnerët e të dy partive për t’u konsultuar rreth postit të ri të presidentit.
Burimet tona thonë se ky ka qenë kompromisi i LDK-së, që tash mos të zotohet VV-ja për presidentin. Ky komporomis e ka nxitur lëshimin e VV-së për kryeparlamentarin.
