Lëvizja Vetëvendosje dhe Lidhja Demokratike e Kosovëa nuk po arrijnë marrëveshje për bashkëqeverisje, përkundër asaj që dolën dy partitë më të votuara në vend. Ato janë ngatërruar në dialogun për qeverisje.
Janë disa çështje që ndajnë këto subjekte politike, sidomos zgjedhja e Glauk Konjufcës kryeparlamentar më 26 dhjetor ka përkeqësuar edhe më shumë situatën në tavolinën e bisedimeve.
Shumë takime janë zhvilluar, por pa rezultate.
Kuvendi i Kosovës sot e ka miratuar kërkesen e liderit të Lëvizjes Vetëvendosje, Albin Kurti, që më 3 shkurt të thirret seanca për votimin e Qeverisë, pa arritjen e marrëveshjes me LDK-në.
LDK ka deklaruar se Qeverinë Kurti e voton me disa kushte, në anën tjetër LVV nuk po zbraset nga pozita e kryeparlamentarit, shkruan Ballkani.info.
Për këtë seancë parashihen disa skenare. Duhen 61 vota për t’u votuar Qeveria, VV ka 29 deputetë nuk dihet nëse deputetët e LDK-së që janë në krah me Vjosa Osmanin do ta votojnë Qeverinë Kurti.
Por, nëse LDK vendos ta votojë Qeverinë dhe shkon në opozitë atëherë do ta kemi një qeveri të pakicës.
Kur shumcisa është në opozitë atëherë kjo konsiderohet Qeveri e Pakicës mundësia që ajo të rrëzohet është më e madhe.
Formati i qeverisë së pakicës mund të bëhet në formë zyrtare apo jo zyrtare.
Alex Salmond, qeverisi me qeveri të pakicës për katër vjet ne Skoci, konservatori Stephen Harper bëri të njëjtën gjë në Kanada. Qeveri të pakicës ka pasur dhe Zelanda e Re, Australia, Suedia, Holanda etj.
Edhe Ramush Haradinaj ka udhëhequr qeveri të pakicës.
Në Kosovë, qeverisja e kaluar Haradinaj gjatë mandatit dhe pse humbi shumicën parlamentare, vazhdoi të qeverisë si qeveri e pakicës dhe të kishte stabilitet të votave nga mbështetja e PSD-së si subjekt opozitar, deri ne dorëheqjen e tij.
Nëse nuk ndodh qeveria e pakicës, Albin Kurti e ka edhe një opsion.
Kurti, gjithashtu e ka opsion edhe formimin e një koalicioni qeverisës me partitë që vijnë nga komunitetet jo shumicë dhe të kërkoj votën e deputetëve të Kuvendit për t`u zgjedhur kryeministër, pa u dakorduar me asnjë grup tjetër politik.
