Lëvizja Vetëvendosje, e ka refuzuar edhe ofertën e sotme të Lidhjes Demokratike të Kosovës.Në takimin që përfundoi para pak minutash, kryetari i LDK-së, Isa Mustafa, shpalosi një ofertë për Lëvizjen Vetëvendosje.
Burime të Gazeta Blic, brenda takimit, kanë bërë me dije, që Mustafa, i ka thënë Kurtit, se mund të ketë marrëveshje, vetëm në qoftëse presidenti i takon LDK-së dhe në momentin kur të zgjidhet ky post, LDK t’ia kthejë VV-së një ministri.
Por, që këtë ofertë e ka refuzuar kreu i VV-së, Albin Kurti.“Ende aty jemi te çështja e presidentit. Isa (Mustafa v.k) e dha propozimin që kur ta merr LDK presidentit, i kthehet një ministri VV-së, pra bëhen 6 me 4. Por, që s’ka pajtim ende nga VV për këtë ofertë”, i ka thënë ky burim.
Gazeta Blic raportoi më herët lidhur me këtë ofertë, duke thënë se Isa Mustafa i ka shkuar në takim sot Albin Kurtit, me idenë që pas zgjidhjes së postit të presidentit, të ndahen ministritë katër për LDK-në dhe gjashtë për Vetëvendosjen.
Deri më tani, zhagitja e marrëveshjes mes këtyre LVV-së dhe LDK-së, është bërë për shkak të pozitës së presidentit.LDK, përmes kryetarit të saj, Isa Mustafa, e ka bërë të qartë se nëse nuk e marrin këtë post, atëherë Lidhja Demokratike do të qëndrojë në opozitë.
Kurse, kreu i VV-së dhe i nominuari për kryeministër të vendit, Albin Kurti, nuk e ka përjashtuar mundësinë që vendi të shkojë sërish në zgjedhje, në qoftë se nuk do të ketë koalicion mes partisë së tij dhe Lidhjes Demokratike të Kosovës.Të dy liderët, Kurti dhe Mustafa, aktualisht janë në një takim të përbashkët në objektin e Kuvendit të Kosovës.
