Kuvendi Komunal i Vitisë ka ndarë 4000€ për të prekurit nga tërmeti në Shqipëri, nga to 1000€ euro u ndanë për familjen Abazi nga Livoqi i Gjilanit, shkruan Telegramisot.com
Kuvendi Komunal i Vitisë, ka mbajtur sot një seancë të jashtëzakonshme dhe ka vendosur që 4000€ të ju ndahen si ndihmë financiare për të ndihmuar familjet të prekur nga dëmet që janë shkaktuar nga tërmeti në Shqipëri. Konkretisht pas diskutimeve nga këshilltarët e Kuvendit
Komunal të Vitisë, u bë me dije se 3000 euro do të ju dedikohen familjeve të prekura nga tërmeti në Shqipëri kurse 1000 euro do të ju ndahen familjes Abazi nga Livoqi i Gjilanit pasi që vëllezërit Shemsedin dhe Isa Abazin, humbën jetën në tërmetin e 26 nëntorit të këtij viti në Shqipëri.
Përndryshe kjo seancë e jashtëzakonshme është thirrur me propozimin e Kryetarit të Komunës së Vitisë, Sokol Haliti dhe është përkrahur fuqishëm nga këshilltarët e Kuvendit Komunal të Vitisë dhe atë pa dallim partie.
