“Dimri nuk kalohet në qiell të hapur dhe të gjitha familjeve të prekura nga tërmeti do t’i sigurohen kushte optimale strehimi”
Kështu u shpreh kryeministri Edi Rama, i cili bëri me dije se qeveria do të nënshkruajë një marrëveshje me strukturat hoteliere për strehimin e qytetarëve.
“Dimri nuk kalohet dot as nën qiell të hapur e as në tenda, prandaj qeveria do të nënshkruajë një marrëveshje me strukturat hoteliere të Durrësit, Kavajës dhe edhe Vlorës po të jetë nevoja, që të gjitha familjet e mbetura pa çati, të strehohen në kushte optimale, të shërbehen në kushte optimale, t’i kalojnë edhe festat e fundvitit në kushte optimale bashkë me fëmijët e tyre, ndërsa këta të fundit jo vetëm të mos jenë të detyruar të braktisin shkollën asnjë ditë, po edhe të mësojnë në kushte optimale”, shkruan Kryeministri Rama në facebook
