UEFA e ka konfirmuar ndarjen e ekipeve kombëtareve nëpër katër vazot, përmes të cilave do të hedhet shorti për fazën e grupeve të Kampionatit Evropian 2020, që do të zhvillohet verën e ardhshme.
Shorti për fazën e grupeve të Kampionatit Evropian 2020 do të mbahet më 30 nëntor në Bukuresht të Rumanisë, ku disa Kombëtare, në mesin e të cilave mund të jetë edhe Kosova, do ta zbulojnë fatin e tyre për grupet në EURO 2020, raporton Gazeta Express.
Tashmë Danimarka, Anglia, Gjermania, Itali, Holanda, Rusia dhe Spanja e dinë se në cilat grupe do të radhiten, ndërsa më poshtë mund t’i gjeni edhe radhitjet e Kombëtareve të tjera nëpër vazo. Ekipet nga e njëjta vazo s’mund të përballen me njëra-tjetrën, pasi që secili grup do të përbëhet me nga një skuadër prej secilës vazo.
Vazo e parë:
Belgjika
Italia (nikoqire)
Anglia (nikoqire)
Gjermania (nikoqire)
Spanja (nikoqire)
Ukraina
Vazo e dytë:
Franca
Polonia
Zvicra
Kroacia
Holanda (nikoqire)
Rusia (nikoqire)
Vazo e tretë:
Portugalia
Turqia
Danimarka (nikoqire)
Austria
Suedia
Republika Çeke
Vazo e katërt:
Uellsi
Finlanda
Fituesi i play-offs në Rrugën A
Fituesi i play-offs në Rrugën B
Fituesi i play-offs në Rrugën C
Fituesi i play-offs në Rrugën D (ku garon edhe Kosova)
Tashmë vendet nikoqire që janë kualifikuar për Kampionatin Evropian 2020 i dinë grupet në të cilat janë vendosur për shkak se UEFA është siguruar që ato t’i luajnë të paktën nga dy ndeshje të fazës së grupeve në shtëpi.
Grupi A: Italia
Grupi B: Rusia, Danimarka
Grupi C: Holanda
Grupi D: Anglia
Grupi E: Spanja
Grupi F: Gjermania
Ndeshjet e Kampionatit Evropian 2020 do të zhvillohet në 12 qytete të ndryshme nga 12 vende të ndryshme në Evropë. Turneu do të zgjasë nga 12 qershori i vitit 2020 deri më 12 korrik dhe në të do të garojnë 24 ekipe kombëtare.
