Shkruan, Astrit Gashi
Në historinë e rrallë të politikës shqiptare të pakët janë ata që kanë guximin të zbresin nga maja e pushtetit për t’u kthyer tek rrënjët. Izet Mexhiti është një prej tyre. Ky nuk është një hap strategjik, por një akt moral dhe ndërgjegje e pastër politike drejt shërbimit për qytetarët.
Çairi nuk është një komunë si të tjerat. Kjo komunë është zemra e identitetit kulturor e kombëtar të shqiptarëve në Shkup është simbol i qëndresës dhe i bashkëjetesës, ku çdo rrugë dhe çdo gur i Çarshisë së Vjetër mban kujtesën e brezave. Prandaj, Çairi nuk ka nevojë për fjalë, por për vepra. Dhe Izet Mexhiti i ka dhënë deshmi duke investuar miliona euro në Çair.
Vetëm në një vit pune, janë realizuar investime që kanë ndryshuar realisht jetën e qytetarëve: rrugë të reja, kanalizime, ndriçim publik, ujësjellës dhe rrjete energjetike. Çairi, për dekada ii harruar, po rilind me ritmin e zhvillimit. Fryma qytetare po rikthehet qytetaret po duan ndrishimin që e solli Izet Mexhiti. Dhe kjo ndodh përkundër atyre që për interesa politike bëhen aleatë me ata që nuk e duan Çairin e pastër, dinjitoz e shqiptar.
Por ajo që e dallon Mexhitin nuk janë vetëm investimet është përkushtimi i tij i përditshëm i cili nuk është politikan i zyrës, por i terrenit, 24 orë pranë qytetarit, duke dëgjuar, duke parë, duke vepruar. Sepse vetëm ai që jeton me njerëzit e di ku dhemb dhe si shërohet.
Në anën tjetër qëndron kundërshtari i tij, doktori Bujar Osmani. Ai flet për patriotizëm, por mision ka Open Balkanin, projekt që ka vdekur bashkë me iluzionet e tij. Për Osmanin, Çairi është adresë politike, jo mision moral. Ai flet për bashkim, por ka shërbyer ndarjes; flet për drejtësi, por ka heshtur për padrejtësitë që kanë plagosur shqiptarët. Nuk flet asnjë për komunën por për qeverinë sepse e dinë fitorja është e pamundur.
Ndërsa Izet Mexhiti ndërton për brezat që vijnë. Investimet mbi 42 milion euro në Kampusin Universitar “Nënë Tereza” janë dëshmi se ai mendon për të ardhmen, për rininë për thesarin më të madhe të Çairit. Këtu qëndron dallimi mes dy botëkuptimeve: njëri hap universitete që ndriçojnë mendjet e popullit, tjetri hap qendra tregtare si Soravia.
Izet Mexhiti po e ruan rininë në Çair, duke krijuar kushte që të rinjtë të mos ikin, por të ndërtojnë jetën këtu, në truallin e Dardanisë, ku shpirti shqiptar ka rrënjët më të thella. Sepse Çairi pa rini nuk i duhet askujt. Ashtu si dikur kur ndërmori reformën që ndryshoi politikën shqiptare, edhe sot Mexhiti po tregon se guximi dhe morali fitojnë mbi interesin.
Në fund, Çairi e di mirë se kush i ka qëndruar afër dhe kush e ka përdorur për karrierë. E di kush ka investuar për qytetarin dhe kush për tenderin. Prandaj fitorja e Mexhitit nuk është vetëm fitore zgjedhore por është vazhdimësi e një rruge që filloi me punë dhe do të përfundojë me besim.
