Kryeshefi i Termokosit, Fisnik Osmani, ka bërë të ditur se nga viti 2021 deri në vitin 2025 kompania ka shënuar një rritje prej 64% të sipërfaqes ngrohëse, duke zgjeruar ndjeshëm shërbimin për qytetarët e kryeqytetit.
Sipas Osmanit, falë investimeve strategjike të menaxhmentit, në sistemin e ngrohjes qendrore janë lidhur edhe 13,030 njësi banimi të reja, që përkthehen në më shumë se 65,000 qytetarë shtesë që tashmë përfitojnë nga ky shërbim.
“Investimet në zgjerimin e sipërfaqes ngrohëse janë prioritet i yni. Përmes tyre, jo vetëm që kemi rritur efikasitetin energjetik, por kemi kontribuar edhe në realizimin e vizionit për një Prishtinë më të gjelbër dhe më të qëndrueshme,” u shpreh Osmani, për Telegraminsot.
Ky rezultat shihet si një nga arritjet më të mëdha të Termokosit në dekadën e fundit, duke ndihmuar në përmirësimin e cilësisë së jetës për qytetarët dhe në uljen e ndotjes së ajrit në kryeqytet.
