Drin Veselaj, një nga zërat e fuqishëm të Kuvendit Komunal të Pejës dhe përfaqësues i Aleancës për Ardhmërinë e Kosovës (AAK), ka shpallur zyrtarisht rikandidimin e tij për zgjedhjet lokale të 12 tetorit.
Veselaj, i cili ka një angazhim politik prej 18 vitesh, thekson se motivi i tij ka qenë gjithmonë i njëjtë – të jetë pranë qytetarëve dhe të gjejë bashkë zgjidhjet më të mira.
“Korrektësia, përkushtimi dhe puna e ndershme kanë qenë shtyllat e angazhimit tim,” – tha Veselaj, duke kujtuar se prej vitit 2013 ka përfaqësuar qytetarët në Kuvendin Komunal si një mbrojtës i interesave të tyre.
Ai i ftoi qytetarët që më 12 tetor të votojnë numrin 5, për të vijuar projektet e nisura dhe për të garantuar një bashkëqeverisje të dobishme për të gjithë.
Së bashku me kandidatin e AAK-së për kryetar të Pejës, Dr. Ali Berisha, Veselaj premton një program të qartë për:
• Zhvillim ekonomik
• Punësim
• Ngritje të mirëqenies
• Përfshirje të çdo lagjeje dhe bashkësie lokale
“Bashkë për një Pejë më të zhvilluar dhe më të drejtë,” – u shpreh Veselaj, duke kërkuar besimin e qytetarëve edhe për një mandat të ri.
