Një person është arrestuar nga Policia nën dyshimin për veprën penale “mbajtje në pronësi, kontroll ose posedim të paautorizuar të armëve”, pasi gjatë një intervenimi në fshatin Carrabreg të Deçanit, tek ai janë gjetur dhe sekuestruar nëntë armë të maskuara në formë stilolapsi dhe katër fishekë.
Sipas njoftimit nga Policia, më 29 korrik rreth orës 15:00, janë njoftuar për një përleshje mes dy personave në fshatin Carrabreg. Njësitet policore kanë reaguar menjëherë dhe gjatë trajtimit të rastit kanë gjetur armët e dyshuara tek njëri nga personat e përfshirë.
Me urdhër të prokurorit të shtetit, është kryer edhe bastisje në shtëpinë e të dyshuarit, mirëpo nuk është gjetur asgjë tjetër e kundërligjshme.
I dyshuari është arrestuar dhe pas intervistimit nga hetuesit, me vendim të prokurorit është dërguar në mbajtje për 48 orë
