Një incident i rëndë ka ndodhur sot në lagjen “Prishtina e Re”, ku një punëtor ka rënë nga lartësia teksa po kryente punën e tij. Si pasojë, ai është dërguar me urgjencë për trajtim mjekësor.
Lajmin e ka konfirmuar për Telegramin Sot zëdhënësja e Policisë së Rajonit të Prishtinës, Flora Ahmeti, e cila tha se rasti është iniciuar në polici.
Deklarata e plotë e saj:
“Sot në stacionin policor Jugu në Prishtinë, është iniciuar një rast ‘Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës’. Rasti ka ndodhur në lagjen Prishtina e Re, ku një person, mashkull, ka rënë nga një lartësi derisa ka qenë duke punuar. Personi i lënduar është dërguar për tretman mjekësor, ndërkohë që policia, në koordinim me inspektorët e punës dhe prokurorinë, kanë nisur hetimin e rrethanave që karakterizojnë rastin.”
Autoritetet po punojnë për të zbardhur shkaqet dhe përgjegjësitë e mundshme për rrezikimin e jetës në vendin e punës.
