Një incident i rëndë ndodhi në Liverpool gjatë paradës së fitores së klubit Liverpool FC, ku një makinë u përplas me turmën, duke lënë dhjetëra persona të lënduar, përfshirë katër fëmijë.
Një 53-vjeçar britanik i bardhë, që besohet të jetë shoferi, u arrestua në vendngjarje në Liverpool në Anglinë veriperëndimore, raporton CNN, transmeton Klankosova.tv.
Duke e përshkruar përplasjen si një “incident të izoluar”, policia tha se nuk po kërkon asnjë të dyshuar tjetër dhe nuk po e trajton incidentin si terrorizëm.
Qindra mijëra tifozë të ngazëllyer të futbollit ishin rreshtuar në zemër të Liverpool të hënën, duke valëvitur flamuj dhe flakë tymi të kuq, për të parë një paradë fitoreje me autobus të hapur për të festuar titullin e 20-të të ligës së lartë të klubit ikonik.
