Termokos ka njoftuar se më 16 maj 2025 do të mbajë një prezantim publik informues për projektin Solar4Kosovo – Solar DH II, i cili synon zgjerimin e rrjetit të ngrohjes me energji diellore në disa lagje të Prishtinës.
Prezantimi do të mbahet në Ndërtesën e Komunës së Vjetër, duke filluar nga ora 10:00.
Përmes këtij projekti inovativ, parashihet instalimi i sistemeve diellore termale për ngrohjen e ujit, që përfshin panele diellore dhe depozita të ujit të ngrohtë. Kjo nismë është pjesë e strategjisë së Termokosit për një Prishtinë më të gjelbër dhe më të qëndrueshme.
Lagjet që përfitojnë nga projekti:
Kalabria + Kalabria Dardha
Prishtina e Vjetër
Gjinaj Jug
Mahalla e Muhaxherëve
Tophane
Lakrishte
Kryeshefi i Termokosit, Fisnik Osmani, ka theksuar rëndësinë e këtij projekti për të rritur efikasitetin energjetik dhe për të ulur ndotjen në kryeqytet.
“Pjesëmarrja e qytetarëve është e rëndësishme, pasi do të diskutojmë detajet e master planit dhe përfitimet që do të sjellë ky projekt për lagjet e përfshira,” është shprehur Osmani.
