Ndërmarrjapublike Termokos ka zgjeruar flotën e saj me dy automjete të reja, të cilat do të ndihmojnë në rritjen e efikasitetit të shërbimeve për qytetarët e Prishtinës.
Kryeshefi ekzekutiv i Termokosit, Fisnik Osmani, ka theksuar se investimet e vazhdueshme në infrastrukturë dhe logjistikë janë thelbësore për përmirësimin e shërbimeve në terren.
“Punët në terren kërkojnë kushte të përshtatshme dhe menaxhmenti ynë po siguron që këto kushte të jenë të standardeve më të larta. Dy automjetet e reja do të përdoren nga Departamenti i Distribuimit për të garantuar një shërbim sa më cilësor të ngrohjes për secilin qytetar të Prishtinës,” – ka deklaruar Osmani.
Kjo lëvizje është në përputhje me vizionin e ndërmarrjes për të kontribuar në një Prishtinë më të gjelbër dhe më të qëndrueshme, duke garantuar një shërbim më efikas dhe të besueshëm për banorët e kryeqytetit.
Termokos – po i jep kuptim Prishtinës së Gjelbër!
