Franca beson se Benjamin Netanyahu ka imunitet ndaj veprimeve të Gjykatës Ndërkombëtare Penale, e cila po kërkon arrestimin e kryeministri izraelit për krime lufte të dyshuara në Gaza, duke qenë se Izraeli nuk ka nënshkruar statutet e kësaj gjykate.
Kjo pikëpamje e re e Francës, e cila erdhi një ditë pas njoftimit për një armëpushim mes Izraelit dhe grupit të armatosur libanez Hezbollah, i ndërmjetësuar nga SHBA-ja dhe Franca, u dënua nga grupet e të drejtave të njeriut. Shtete të tjera, përfshirë Italinë, gjithashtu kanë vënë në pikëpyetje ligjshmërinë e mandatit.
Një deklaratë e Ministrisë së Jashtme të Francës tha se do të vazhdojë të punojë ngushtë me Netanyahun.Parisi ka marrë një qëndrim të qartë pasi gjykata në Hagë lëshoi urdhra arresti më 21 nëntor për Netanyahun dhe një lider të grupit militant palestinez Hamas, shkruan reuters.
“Ky imunitet i përket kryeministrit Netanyahu dhe ministrave të tjerë përkatës dhe do të duhet të merret parasysh nëse Gjykata Ndërkombëtare Penale kërkon arrestimin dhe dorëzimin e tyre”, shkruan në njoftimin e ministrisë franceze.
Deklarata e Ministrisë së Jashtme të Francës, duke iu referuar asaj që ajo quajti miqësinë historike mes dy demokracive të angazhuara për sundimin e ligjit, tha se Franca kishte ndërmend të vazhdonte të punonte ngushtë me liderin izraelit dhe autoritetet e tjera “për të arritur paqen dhe sigurinë për të gjithë në Lindjen e Mesme.”
Grupet e të drejtave të njeriut sugjeruan se Franca kishte zbutur përgjigjen e saj për të ruajtur një marrëdhënie pune me Netanyahun dhe qeverinë e tij.
Pas deklaratës fillestare se do të respektonte statutet e Gjykatës Ndërkombëtare Penale, Ministria e Jashtme e Francës e rishikoi qëndrimin në një deklaratë të dytë më 22 nëntor, duke shprehur shqetësim që Izraeli mund të dëmtonte përpjekjet për një armëpushim në Liban, duke theksuar se vendimi i gjykatës vetëm formalisht e kishte akuzuar Netanyahun.
Të mërkurën, ministria theksoi se Statuti i Romës, i cili krijoi Gjykatën Ndërkombëtare Penale, përcaktonte se një shtet nuk mund të kërkohet të veprojë në një mënyrë të papajtueshme me detyrimet e tij “për sa i përket imunitetit të shteteve që nuk janë palë në Gjykatën Ndërkombëtare Penale”.
