Biznesmeni i suksesshëm dhe politikani nga Kosova, Isak Neziri, ka zhvilluar një takim të nivelit të lartë me kandidatin e CSU-së për Kryetar të Mynihut në zgjedhjet e ardhshme, Clemens Baumgärtner, i cili më parë ka shërbyer si Ministër i Ekonomisë dhe ka qenë drejtues i festivalit ndërkombëtar Oktoberfest për pesë vite.
Në këtë takim të veçantë, Neziri u shoqërua nga Deli Balidemaj, përfaqësues në City Council të Mynihut, me të cilin diskutuan çështje me rëndësi për bashkëpunimin ekonomik ndërmjet Gjermanisë dhe Kosovës, si dhe rolin gjithnjë e më të rëndësishëm të diasporës shqiptare në jetën politike dhe institucionale të qytetit.
“Kosova ka miq kudo. Është koha që lidhjet tona me partnerë strategjikë si Gjermania të konkretizohen në projekte reale për zhvillim dhe integrim”, u shpreh Neziri pas takimit.
Ky angazhim është një hap i rëndësishëm drejt forcimit të lidhjeve ndërshtetërore dhe rritjes së ndikimit të diasporës shqiptare në institucionet evropiane.
