Kreu i PDK-së Kadri Veseli njëherësh kandidatë për kryeministër nga ky subjekt, ka thënë se në qeverisjen e tij nuk do të ketë të rijnë që ikin masivisht nga Kosova.
Përmes një postimi në Facebook, Veseli ka thënë se atyre do t’u ofrojnë mundësi që të punojnë, të krijojnë familje dhe t’i rrisin fëmijët këtu, pranë baballarëve dhe gjyshërve të tyre.
Postimi i plotë:
Kudo ka optimizëm e shpresë me Partinë Demokratike të Kosovës. Mbrëmë këtë e pashë edhe te banorët e Zhilivodës së Vushtrrisë dhe Bardhit të Fushë Kosovës.
Ne marrim përgjegjësi. Ne ofrojmë zgjidhje.
Në qeverisjen time nuk do të ketë më të rinj që ikin masivisht nga Kosova. Por, atyre do u ofrojmë mundësi që të punojnë, të krijojnë familje dhe t’i rrisin fëmijët këtu, pranë baballarëve dhe gjyshërve të tyre.
Në qeverisjen time do ta forcojmë edhe më shumë rolin e grave dhe do ta rrisim përkujdesjen për të moshuarit, duke ua rritur për 80 për qind edhe pensionet.
Kur fiton Partia Demokratike e Kosovës, fiton Kosova!
