Universiteti “Haxhi Zeka” në Pejë po bën një hap strategjik drejt fuqizimit të lidhjes mes dijes akademike dhe ekonomisë reale, duke nisur procedurat për themelimin e një shoqërie tregtare në pronësi të plotë të universitetit.
Kjo nismë vizionare, e udhëhequr nga Rektori Dr. sc. Armand Krasniqi, synon të krijojë një platformë ku inovacioni, ndërmarrësia dhe zhvillimi rajonal do të gërshetohen për të krijuar ndikim të drejtpërdrejtë në jetën ekonomike të rajonit të Dukagjinit.
“Po e projektojmë të ardhmen! Kjo shoqëri tregtare do të jetë një inkubator për startup-et e studentëve tanë, një qendër moderne për trajnime digjitale dhe një mjet i fuqishëm për tërheqjen e fondeve ndërkombëtare,” – u shpreh rektori Krasniqi.
Çfarë do të ofrojë kjo shoqëri?
Inkubator për ide inovative dhe biznese të reja
Trajnime për aftësi të shekullit XXI
Mbështetje për projekte ndërkombëtare dhe rajonale
Krijimin e urës ndërmjet universitetit dhe sektorit privat
Qëllimi madhor i këtij projekti është i qartë: të shndërrohet Universiteti “Haxhi Zeka” në një qendër të gjallë të krijimit të vlerës ekonomike përmes dijes, përvojës dhe bashkëpunimit ndërsektorial.
Universiteti fton të gjithë të rinjtë, studentët, profesionistët dhe institucionet partnere që t’i bashkohen këtij rrugëtimi drejt një të ardhmeje më të zhvilluar për Pejën dhe mbarë Kosovën.
???? Lexoni më shumë në linkun zyrtar: https://unhz.eu/blog/universiteti-haxhi-zeka-shoqeri-tregtare-inovacion
#UHZ #UniversitetiHaxhiZeka #Inovacion #Ndërmarrësi #Startup #ZhvillimRajonal #Peja #Kosovë
