Presidenti i Kosovës Hashim Thaçi e ka shpallur “Hero të Kosovës” dëshmorin Azem Behluli.
Këtë e ka bërë të ditur vetë i pari i vendit me anë të një postimi në llogarinë e tij në Facebook.
“Ai ra heroikisht në betejë kundër forcave serbe në fshatin Gurkuq, më 22 prill 1999. Bashkëluftëtarët ruajnë kujtime të paharrueshme për Azemin, kurse familja Behluli është përherë krenare për veprën e tij”, ka shkruar ai.
