“Termokos” po vazhdon me intensitet të lartë projektin e instalimit të pajisjeve matëse dhe valvulave kontrolluese tek konsumatorët, duke shënuar një tjetër hap drejt efikasitetit energjetik dhe transparencës në faturim.
Kryeshefi ekzekutiv i Termokosit, Fisnik Osmani, ka bërë të ditur se vetëm deri më sot janë instaluar pajisje matëse në mbi 19,000 njësi banimi në Prishtinë.
“Sezonin që lamë pas, kishim një fillim të mbarë dhe të suksesshëm të projektit të matjes. Prandaj, jemi duke vazhduar me instalimet e matësve dhe valvulave kontrolluese tek konsumatorët e tjerë,” deklaroi Osmani.
Pajisjet e reja përfshijnë matës energjie, alokatorë, si dhe valvula termostatike dhe termokoka në radiatorë, që mundësojnë që secila familje të paguajë vetëm aq sa shpenzon për ngrohje.
???? Kjo qasje moderne sjell përfitime të shumëfishta:
Kontroll më të mirë të konsumit,
Faturim të drejtë,
Kursim të energjisë,
Mbrojtje të mjedisit.
“Të instalojmë pajisjet e matjes, të kursejmë ngrohjen, në mënyrë që të paguajmë aq sa shpenzojmë!”, është thirrja e Termokosit për qytetarët.
Me këtë projekt, “Termokos” jo vetëm që përmbush misionin e tij për ngrohje të qëndrueshme dhe cilësore, por gjithashtu kontribuon në ndërtimin e një Prishtine më të gjelbër dhe më të drejtë për të gjithë.
