Sot në ora 15:00 varroset babai i ish-presidentit Thaçi.
Komuna e Skenderajt ka njoftuar se ceremonia e varrimit të babait të ish-presidentit Hashim Thaçi, do të mbahet nën përkujdesjen e kryetarit të kësaj komune, Fadil Nura.
Kjo komunë ka bërë të ditur agjendën zyrtare të ceremonisë mortore për Haxhi Thaçin.
E marta do të nisë me homazhe pranë arkivolit të të ndjerit, nga ora 09:00 deri në ora 12:00 në palestrën “Ilaz Kodra” në Skenderaj.
Tutje, nga ora 12:00 do të mbahet mbledhje komemorative, po ashtu në palestrën “Ilaz Kodra”.
Ndërkohë nga ora 15:00 do të zhvillohet ceremonia e varrimit të babait të ish-presidentit Hashim Thaçi, Haxhi Thaçi, në varrezat e reja të fshatit Burojë të Skenderajt.
Ndërkohë, është bërë e ditur se e pamja e familjes Thaçi do të jetë e hapur më 19 e 20 mars në palestrën e këtij qyteti.
