Miodrag Sholaja është fajtor për vrasjen e 14 civilëve shqiptarë gjatë luftës.
Njësiti Famkeq “Akrepat” u fut në shtëpitë e familjes Bogujevci dhe Duriqi duke vrarë e masakruar 14 anëtarë.
Shumë të tjerë mbetën të plagosur me 28 mars të vitit 1999.
E autori i këtyre krimeve ndaj popullatës civile, i cili ishte dënuar vetëm 14 vjet burg tash është lënë i lirë nga autoritet serbe.
E mbijetuara e masakrës së kryer nga Sholaja, Saranda Bogujevci, ka reaguar pas këtij vendimi.
Në një përgjigje me shkrim për T7 ka thënë se janë të brengosur pas këtij vendimit për limirn e Sholajas.
“Ne si familje ndjehemi të brengosur pasi që ky është anëtari i dytë me radhë i grupit të Shkorpionëve që lirohet pa përfunduar dënimin e plotë, i cili dënim edhe ashtu ishte i pamjaftueshëm duke marrë për bazë krimet e kryera.”, ka thënë ajo.
“ Ne si familje do të vazhdojmë luftën tonë për drejtësi dhe njëkohësisht do të përkrahim familjet e viktimave në Kosovë deri sa të gjejmë drejtësi për të gjithë. Ne i bëjmë thirrje institucioneve të Kosovës dhe atyre ndërkombëtare që të trajtojnë me seriozitet dhe ti përkrahin viktimat e luftës në Kosovë, duke kushtëzuar dhe kërkuar drejtësi, që krimet e kryera nga shteti i Serbisë të marrin dënimin e merituar dhe kriminelët të sjelljen para drejtësisë edhe ashtu shumë të vonuar!”
Sipas Bogujevcit, Serbia po tallet me viktimat e luftës në Kosovë.
Ne si familje Bogujevci jemi të shqetësuar dhe shprehim indinjatë të thellë për lirimin e parakohshëm nga burgu të kriminelit Miodrag Salaja nga shteti i Serbisë. Ky kriminel për vrasjen e 14 anëtareve të familjes tonë dhe Duriqi në masakrën e Podujevës ka mbajtur 12 vite burg, vetëm tetë muaj dënim për çdo viktimë të vrarë! Me lirimin e tij shteti i Serbisë shpërfaqë talljen e radhës me viktimat e luftës në Kosovë. Miodrag Salaja ishte pjesë e njësitit rezervist policor serb “Shkorpionët” ku pas krimeve të kryera në Srebrenicë kishin ardhur në Kosovë për të vazhduar krimet më të tmerrshme mbi popullsinë civile.
Lirimi i kriminelit serb, tri vjet përpara sa ta kryej dënimin, ka nxitur reagimin edhe të kryetarit të Kuvendit të Kosovës, Kadri Vesel, duke e quajtur të turpshëm vendimin e gjykatave serbe.
Akrepat mbërritën në Podujevë më 28 mars 1999 për t’u bashkuar me Njësinë Speciale Serbe të Anti-Terrorizmit,
