Ish-kryeministri i Shqipërisë Sali Berisha, në një intervistë dhënë për “Gazeta Blic” duke folur mbi arrestimet e krerëve të UÇK-së dhe gjykimin e tyre në Hagë, ka deklaruar se UÇK-ja nuk ka qenë një organizatë kriminale dhe se anëtarët e saj kanë qenë luftëtarë të lirisë.
Berisha më tutje foli edhe për vrasjet e pasluftës të ndodhura në Kosovë.
Ai deklaroi se nuk ka dijeni për këto ngjarje përveç vrasjes së kolonel Ahmet Krasniqit.
“Personalisht nuk kam asnjë dijeni konkrete për autoret e këtyre vrasjeve përveç ish- ministrit të mbrojtjes së qeverisë së Kosoves, Kolonel Ahmet Krasniqi, i cili është ekzekutuar në pragun e shtëpisë ku banonte në prani të dy oficerëve te Shik-ut të Shqipërisë që drejtohej nga Fatos Klosi, të cilin nuk e ka hetuar asnjeri për këtë krim të shëmtuar” deklaroi Berisha.
