Një vajzë e mitur është rrëmbyer të shtunën në Fushë Kosovë.
Policia e Kosovës ka njoftuar se rasti e ka paraqitur vetë e mitura në polici, pasi ka arritur të ikë nga vetura, përcjell Ballkani.info.
“RRËMBIM/Lagjja 29, Fushë Kosovë 09.07.2022 – 23:00. Viktima e mitur femër kosovare ka raportuar se derisa kishte qenë duke u kthyer në shtëpinë e saj, tre persona të panjohur e kishin futur në një veturë ngjyrë e zezë me targa vendore, por më pas kishte arrit të largohej nga vetura. Viktimës i është ofruar tretman mjekësor për shkak se ishte shqetësuar”, thuhet në raportin e PK-së.
Njësitë policore kanë dalë në vendin e ngjarjes dhe janë duke e hetuar rastin, është njoftuar prokurori i cili e ka cilësuar rastin.
