Një person është gjetur i vdekur sot në afërsi të lumit “Drini i Bardhë” në Klinë.
Trupi i pajetë i viktimës ishte gjetur nga një peshkatar i cili ishte duke peshkuar në atë zonë.
Ende nuk është arritur të identifikohet personi i cili është gjetur i vdekur pasi ekipet mjekësore deklaruan se trupi i pajetë ka kohë të gjatë që ka qëndruar në lumë.
Sipas burimeve të Klan Kosovës i vdekuri mund të jetë një burrë 69 vjeçar i cili ishte i humbur nga muaji janar i këtij viti.
Familjarët që ishin në vendin e ngjarjes në bazë të rrobave e morën vesh se ai është familjar i tyre.
Por, kjo mbetet të konfirmohet pas obduksionit nga Mjekësia Ligjore.
