Janë publikuar pamje nga aksioni i ndërmarrë sot nga Prokuroria Speciale e Republikës së Kosovës, në bashkëpunim me Policinë e Kosovës, në komunat Zubin Potok dhe Zveçan.
Sipas pamjeve të “Jepi Zë”, bastisjet shihen se janë duke u zhvilluar në nëntë lokacione të ndryshme, në kuadër të një urdhri të lëshuar nga Gjykata, me kërkesë të Prokurorisë Speciale.
Aksioni është pjesë e hetimeve për disa vepra të rënda penale, përfshirë:
Rrezikimi i personelit të Kombeve të Bashkuara ose personelit në marrëdhënie me to
Vrasje e rëndë
Sulm ndaj personit zyrtar gjatë kryerjes së detyrës zyrtare
Hetimet dhe bastisjet janë duke u kryer nga Drejtoria për Hetimin e Krimit të Organizuar dhe Krimeve të Rënda.
