Prokuroria Themelore në Prishtinë ka dhënë detaje për arrestimin e djeshëm të Besim Hajdarit, i njohur me nofkën “Ciprra”, shkruan Gazeta Sinjali.
Sipas njoftimit, në operacionin për arrestimin e tij ka marrë pjesë Prokurori i Shtetit dhe Agjencia Kosovare e Inteligjencës.
“Prokuroria Themelore në Prishtinë njofton opinionin se pas zhvillimit të një operacioni në bashkëpunim me Prokurorin e Shtetit, Agjencinë Kosovare të Inteligjencës, Policinë e Kosovë dhe Njësitin Special të Kosovës, më 16.04.2021, është arrestuar i dyshuari me inicialet B.H., i cili për nga e kaluara e tij kriminale ka qenë recidivist dhe i kërkuar për organet e drejtësisë, i përfshirë në disa raste për kryerjen e veprave penale ‘Vrasja e rëndë në tentativë’ dhe ‘Kanosja’”, thuhet në njoftimin e Prokurorisë.
Po ashtu bëhet e ditur se brenda afatit ligjor Prokurori I Shtetit do të paraqet kërkesë për caktimin e masës së paraburgimit ndaj të dyshuarit.
