Prishtina u trondit nga krismat e armëve! Në rrugën “Muharrem Fejza”, në lagjen e frekuentuar të kryeqytetit, janë dëgjuar të shtëna me armë zjarri, duke tmerruar banorët dhe kalimtarët e rastit. Në vendngjarje janë filmuar pamje të rënda, ku disa vetura shihet me xhama të thyer e dëmtime të shumta, si pasojë e plumbave.
Policia ka rrethuar zonën me shirita sigurie dhe ka nisur hetimet intensive për zbardhjen e rastit. Ende nuk është konfirmuar nëse vetura ishte objektivi kryesor i sulmit, apo është dëmtuar si pasojë e të shtënave pa cak.
Banorët shprehen të tronditur dhe të frikësuar, duke kërkuar më shumë siguri në lagjen e tyre. Për momentin, autoritetet nuk kanë dhënë detaje mbi motivin apo autorët e ngjarjes.
