Pas anulimit të konferencës së planifikuar për media në Prishtinë, kryetarja e Dhomave të Specializuara të Kosovës, Ekaterina Trendafilova është kthyer në hotelin në të cilin po qëndron në kryeqytet, raporton Ekonomia Online.
Ka të paktën tre vetura të Policisë së Kosovës që ndodhen brenda këtij hoteli. Përveç tyre, ka edhe vetura të EULEX-it, të cilat e kanë sjellë kryetaren e gjykatës.
Vizita e Trendafolovës në vendin tonë u kundërshtua ashpër nga veteranët e UÇK-së, të cilët u mblodhën pranë hotelit për të shprehur indinjatën e tyre.
Ajo pritet që nesër në ora 13:00 të fluturojë drejt Hagës në Holandë.
