Një aksion është duke u zhvilluar nga Njësitë Speciale të Policisë së Kosovës në Komunën e Shtërpcës.
Aksioni i Njësisë së Krimeve Ekonomike të Policisë së Kosovës në bashkëpunim me Prokurorinë Themelore në Ferizaj, është duke zhvilluar kundër korrupsionit me ndërtimet në Brezovicë.
Në aksionin e sotëm të Policisë janë bastisur disa lokacione.
Lajmin e ka konfirmuar kryeprokurori i Prokurorisë Themelore në Ferizaj, Shukri Jashari.
“Aksioni është në fazën e parë të zhvillimit dhe ka të bëjë për keqpërdorim të detyrës zyrtare, pra ryshfet. Deri tani nuk ka të arrestuar pasi jemi në fazën e parë”, tha Jashari.
Ai konfirmoi se aksioni është duke vazhduar.
