Neymar është larguar me lot në sy nga fusha e blertë pas lëndimit që e pësoi në ndeshjen me Uruguain, e vlefshme për kualifikimet e Botërorit 2026.
Ylli brazilian përfundoi në tokë duke e pësuar një lëndim serioz në gju pas një ndërhyrjeje nga prapa nga Nicolas de la Cruz në minutën e 44-t, me ç’rast ndjeu dhimbje të mëdha dhe e ftoi stafin mjekësor, shkruan “Gazeta Express”.
Ai u largua nga fusha me barelë pasi e mori tretmanin për disa minuta.
Federata Braziliane tha se futbollisti do t’ju nënshtrohet disa testeve për ta parë nëse kishte dëmtime në ligamentet e gjurit.
Sidoqoftë, ish-futbollisti i Santosit, Barcelonës e Paris Saint-Germainit, aktualisht në Al-Hilal, pritet të mungojë disa muaj.
