Jo vetëm se qeni mund t’ju sjell shumë gëzim në jetë, por edhe mund t’ju ndihmojë të jetoni më gjatë.
Në një analizë të re të 70 viteve hulumtime globale, shkencëtarët kanë zbuluar se mbajtja e qenit mund ta ulë rrezikun e vdekjes së një personi për 24 për qind, transmeton Telegrafi.
Përderisa shoku katërkëmbësh është i mirë për të gjithë, ekspertët kanë zbuluar se ata që veçse kanë pësuar sulm në zemër apo në tru mund të përfitojnë më së shumti nga shoqëria e kësaj kafshe.
Kjo për shkak se, siç kanë treguar ekspertët, ata kanë 31% rrezik më të vogël të vdesin nga sëmundjet kardiovaskulare.
Një studim tjetër me 336,000 pjesëmarrës suedezë po ashtu ka zbuluar se qentë janë tejet të shëndetshëm për personat që jetojnë vetëm.
