Presidenti francez Emmanuel Macron ka deklaruar të premten se Irani mban një përgjegjësi shumë të rëndë për destabilizimin e Lindjes së Mesme, shkruan Reuters.“Irani mban një përgjegjësi të rëndë për destabilizimin e rajonit,” u shpreh Macron.
“Ai po vazhdon të pasurojë uranium në mënyrë të pajustifikuar dhe në përqindje që janë shumë afër asaj që nevojitet për një pajisje bërthamore.
”Pavarësisht thirrjes për përmbajtje dhe maturi, Macron pranoi se rinisja e përpjekjeve diplomatike, në veçanti negociatat e SHBA-ve me Iranin për marrëveshjen bërthamore që kishin rifilluar dy muaj më parë, do të jetë shumë e vështirë në rrethanat aktuale.
“Situata aktuale paraqet një rrezik të përshkallëzimit të pakontrolluar,” paralajmëroi presidenti francez, duke shtuar se aktivitetet e Iranit kërcënojnë drejtpërdrejt edhe Evropën.Ai theksoi gjithashtu se nëse Irani sulmon Izraelin, Franca do ta mbrojë, ashtu siç ka bërë edhe në të kaluarën, por përjashtoi çdo pjesëmarrje në një operacion ushtarak kundër Teheranit.
Macron paralajmëroi edhe për pasoja potenciale në ekonominë globale nëse tensionet mes dy shteteve përshkallëzohen më tej.
