Sonte Llapi po pret ekipin nga Podgorica, Budoçnost, në ndeshjen kthyese për kalim të mëtutjeshëm në raundin e dytë të kualifikimeve për Conference League.
Llapi synon të përmbysë rezultatin prej 2-0, pasi që pësoi humbje si mysafirë në Podgoricë.
Skuadrës kosovare i duhet të shënojë tre gola, dhe në të njëjtën kohë të mos pranoj asnjë, në mënyrë që t’i bashkohet Dritës në raundin e dytë të kualifikimeve.
80′ Edhe dhjetë minuta nga loja e rregullt. Rezultati i përgjithshëm, 4-2 në favor të Budoçnostit.
71′ Albion Kurtaj me një supergol nga distanca ka barazuar rezultatin në 2-2, ndërkohë që rezultati i përgjithshëm është 4-2 në favor të Budoçnostit.
64′ Skuadra e Budoçnost ka kaluar sërish në epërsi, me rezultat 2-1 tani në këtë ndeshje, dhe 4-1 me rezultat të përgjithshëm. Gjukanoviq shënon edhe golin e dytë. Ai kishte kohën e mjaftueshme për të ndalur topin, për të parë se ku të gjuaj, dhe për të goditur aty ku donte, ndërkohë që asnjë lojtari i Llapit nuk ishte aty për ta ndaluar.
54′ Gerhard Progni me super harkim fut topin pranë rrjetës së kundërshtarit, por aty nuk gjendet askush për të futur topin në rrjetë.
45′ Ka filluar pjesa e dytë. Llapit i duhet të sulmoj vazhdimisht, ndërsa skuadrës nga Podgorica i mjafton të mos pranoj gola.
45′ Përfundon pjesa e parë. Goli i barazimit frymëzon lojtarët e Llapit. Megjithatë, duhen edhe tre gola për të kaluar tutje.
45′ Alef Firmino nuk gabon nga pika e bardhë. Barazohet rezultati 1-1.
44′ Penallti për Llapin.
“Sa me rëndësi do të ishte të shënojmë në pjesën e parë”, thotë komentatori Arlind Sadiku. Llapit i duhet të shënoj katër gola, dhe të mos pranoj asnjë, për të kaluar tutje.
40′ Francisco Rivera me një mundësi të mirë shënimi, por portieri arrin t’ia bllokoj goditjen.
36′ Sërish konfrontime mes numrit 9 të Llapit, Alef Firmino, dhe një lojtari të Budoçnost, pasi ky i fundit e ndaloi duke ia kapur fanellën.
30′ Lojtarët e Llapit sërish të furishëm ndaj referit, pasi që ndaloi një aksion, për shkak të një lëndimi të një lojtari nga Budoçnost. Referi arsyetohej se lojtari ka lëndim në kokë.
23′ Budoçnost ka kaluar në epërsi ndaj Llapit, duke e thelluar epërsinë në 3-0. Viktor Gjukanoviq ishte realizator i golit.
18′ Tifozët e Llapit protestojnë para gjyqtarit, duke kërkuar goditje nga pika e bardhë, për lojë të dyshuar me dorë nga një lojtar i Budoçnost. Lojtarët kosovar konfrontohen edhe me ata malazez. VAR-i nuk është duke u aplikuar në këtë ndeshje.
13′ Skuadra e Budoçnost më në fund ia arrin të rrezikoj portën e Llapit, por pa sukses.
Nëse Llapi arrin të përmbys rezultatin, lojtarët do të marrin një premi prej 20 mijë eurove, të paktën kështu ka thënë trajneri Tahir Batatina.
“Skuadra e Llapit ka pasur bonuse gjithmonë edhe në ndeshjet vendore si skuadër. Mendojë që lojtarët kanë një bonus të mirë të cilin do ta marrin nesër. Bonusi i tyre do të jetë duke përfshirë bashkarisht të gjithë lojtarët, me stafin, me njerëzit që janë përreth skuadrës ku do ta kenë një premi prej 20 mijë euro për kualifikim tutje në këtë ndeshje, ku do të jetë një shumë mendoj që e konsiderueshme për çdo lojtar për raundin e parë”.
7′ Llapi sërish me një rast shënimi, nga një rrëmujë e krijuar pranë portës së Budoçnost, por që në fund rezulton me ndërhyrje të palejueshme në sulm.
4′ Llapi me një rast të mirë shënimi, por lojtari që mbeti i vetëm pranë portierit malazez, ishte në pozicion jashtë loje.
1′ Fillon ndeshja, pas disa minutave vonesë për shkak të hedhjes së mjeteve piroteknike nga tifozët.
Skuadrat kanë publikuar formacionet zyrtare.
