Qeveria e Kosovës ka emëruar dy zyrtarë të LDK e AAK në bordet e ndërmarrjeve publike.
Erdhi në krye të qeverisë me premtimin se do të depolitizojë ndërmarrjet publike.
Por, Avdullah Hoti bëri pikërisht të kundërtën e asaj qe tha.
Qeveria e Kosovës në mbledhjen e së hënës emëroi bordet e përkohshme të Trepçës, Postës së Kosovës e Infrakosit.
E në krye të kësaj të fundit, Hoti vendosi kandidatin për deputet të LDK-së në zgjedhjet e 6 tetorit, Brahim Selimaj.
Selimaj ende ka posterin e fushatës në fotografitë e publikuara në profilin e tij në Facebook.
Por ky nuk është rasti i vetëm që qeveria kapi bordet.
Anëtarë i bordit të përkohshëm të Trepçes u emëruar anëtari i AAK-së, Esat Peci, i cili kishte kandiduar edhe për kryetar të Mitrovicës.
Madje Peci kishte shkruar një status mjaft kontravers gjatë kohës së qeverisë Kurti.
T7 ka tentuar të marrë një përgjigje nga zyra e kryeministrit, por edhe nga vetë të emëruarit, por të njëjtit kanë qenë të paqasshëm.
Ndërkohë analisti Imer Mushkolaj kritikon ashpër koalicionin qeverisës, për këtë çështje.
Se Lidhja Demokratike e Kosovës njihet për politizim të ndërmarrjeve publike, e thotë edhe hulumtuesi Besnik Boletini.
Ndryshe edhe qeveria Kurti kishte emëruar 4 anëtarë të Lëvizjes Vetëvendosje në këto borde.
