Skuadrat e Superligës së Kosovës janë pajtuar të ndajnë në mënyrë të barabartë timin që vjen nga të drejtat televizive për sezonin 2020/21, ka bërë të ditur FFK-ja. Për herë të parë, Superliga do të jetë jashtë transmetuesit të deritashëm Digitalb/Supersport dhe të drejtën këtë vit e ka fituar ArtMotion, që ka ofertuar me 380 mijë euro.
“Klubet në mënyrë unanime vendosen për ndarjen e mjeteve në mënyrë të barabartë siç ka qenë deri më tash. Krerët e FFK-së ofruan gatishmëri maksimale për të gjitha klubet dhe gjithashtu së bashku u darkorduan që të bëjnë më të mirën që niveli i futbollit në Kosovë të ngritët sa më lart në të gjitha aspektet”, thuhet në njoftimin e FFK-së.
Nga skuadrat pjesëmarrëse, Arbëria është debutuese këtë stinor në Superligë – pasi që ka arritur për herë të parë të sigurojë elitën e futbollit kosovar. Në anën tjetër, skuadrat tjera duket të jenë stabile dhe pritet të jetë një luftë e madhe mes tjerash si për titull ashtu edhe për mbijetesë.
